धारूर, आवरगाव (ता.धारूर) परिसरातील सीसीआयच्या जिनिंगमधील कापसाने अचाणक पेट घेतल्याची घटना गुरूवारी दुपारी बाराच्या सुमारास घडली, या आगीत कोट्यावधींचा कापूस जळाल्याचा अंदाज व्यक्त केला जात आहे. या आगीची माहिती मिळताच घटनास्थळी धारूर नगर परिषद, लोकनेते सुंदरराव सोळंके साखर कारखाना आणि केज नगर परिषदेच्या अग्निशाम दलाला पाचारण करण्यात आले असून आग आटोक्यात आणण्यासाठी कसोशीने प्रयत्न करण्यात येत आहेत. दरम्यान या आगीमुळे परिसरात धुराचे मोठे लोट पसरले होते.
