बोरगावथडी गोदावरी पात्रात अवैध वाळू उपसा विरोधात मोठी कारवाई
सहा ट्रॅक्टर,केनी,रोडर सह जेसीबी ताब्यात;दीडकोटी चा मुद्देमाल जप्त
तलवाडा प्रतिनिधी
गेवराई तालुक्यातील बोरगावथडी येथे गोदा पात्रात अवैद्य वाळू उपसा विरोधात गेवराई महसूल विभागातील अधिकाऱ्यांनी गुरुवारी मध्यरात्री छापा टाकत ६ वाळूचें क्टर, ३ केनी, २ लोडेडक्टर आणि १ जेसीबी असा दिड कोटी रूपयांचा मुद्देमाल जप्त केला. या कारवाईमुळे वाळू माफियांमध्ये खळबळ माजली असुन गेवराई येथील महसूल अधिकाऱ्यांच्या या धाडसी कारवाईमुळे वाळू माफियांना चांगलाच दणका बसला आहे.
गेवराई तालुक्यातील बोरगाथडी येथे मोठ्या प्रमाणात अवैध वाळू उपसा होत असल्याची माहिती गेवराई येथील नायब तहसीलदार प्रशांत जाधवर यांना मिळाली यावरून गुरुवारी मध्यरात्री महसूल
विभागातील टीम सोबत घेत जाधवर यांनी बोरगावथडी येथील गोदावरी पात्रात छापा मारला. या ठिकाणी मोठ्या प्रमाणात वाळूचे ट्रॅक्टर आढळुन आले. यावर तात्काळ कारवाई करत वाळूचे ६ ट्रॅक्टर, ३ केनी, २ लोडेडेक्टर, १ जेसीबी असा अंदाजे दीड कोटी रूपयांचा मुद्देमाल जप्त केला. या कारवाईमध्ये नायब तहसीलदार प्रशांत जाधव, मंडळ अधिकारी बाबासाहेब बडे सह महसूल चे कर्मचारी होते.
