आंबेजोगाई(लोकांना प्रतिनिधी) परळी तालुक्यातील वानटाकळी तांडा येथील अल्पवयीन मुलीला छेडछाड करुन त्रास दिल्याचा जाब विचारल्यामुळे मुलीच्या आईचा तिक्षण हत्याराने भोकसून खून केल्याची घटना आज सकाळी घडली असून दोन आरोपींना अटक करण्यात ग्रामीण पोलिसांना यश आले आहे.
अंबाजोगाई ग्रामीण पोलीस ठाणे हद्दीतील व परळी तालुक्यातील मौजे वानटाकळी तांडा येथील अनिता राठोड व वैजनाथ राठोड हे कुटुंब आठ दिवसापूर्वी बालाजी देव दर्शनाला गेले असता त्यांच्या तीन मुली काळवटी तांडा येथे वास्तव्यास होत्या याच तांड्यावरील बबन चव्हाण याने यांची अल्पवयीन मुलीस विनाकारण भेटून छेडछाड करत त्रास देण्याचा उद्योग सुरू केला होता.
आई वडील देवदर्शनावरून परत आल्यानंतर होत असलेला प्रकार सदरील अल्पवयीन मुलीनी आपल्या आई वडिलांना सांगितला त्यामुळे अनिता राठोड व वैजनाथ राठोड यांनी दोन दिवसापूर्वी बबन चव्हाण यास जाब विचारला त्यांच्यात शाब्दिक चकमक झाली. याचा राग मनात धरून आज सकाळी आठ वाजण्याच्या दरम्यान दरम्यान बबन चव्हाण त्याचे वडील राजभाऊ चव्हाण, भाऊ सचिन चव्हाण यासह इतर तिघांनी राठोड कुटुंबीयांच्या घरी जाऊन भांडण करण्यास सुरुवात केली. वैजनाथ राठोड यास मारहाण होऊ नये म्हणून त्यांच्या नातेवाईकांनी त्यास रूम मध्ये कोंडून दरवाजा लावून घेतला त्यावेळी आरोपींनी दुसऱ्या रूम मधल्या असलेल्या अनिता राठोड यांच्याकडे मोर्चा वळवून त्यांच्या पोटात तिक्षण हत्यारांनी वार करून व डोक्यात लाकडाने मारहाण करून गंभीर जखमी केले. आरडाओरडा पाहून शेजारी धावून आले तेव्हा सदरील आरोपींनी पळ काढला गंभीर अवस्थेतील अनिता चव्हाण यांना उपचारासाठी स्वामी रामानंद तीर्थ रुग्णालयात दाखल केले असता डॉक्टरांनी त्यांना मृत घोषित केले.
सदरील खुणाच्या घटनेमुळे आरोपीचा शोध घेऊन अटक करण्याचे महत्त्वाचे असल्यामुळे अप्पर पोलीस अधीक्षक कविता नेरकर यांच्या मार्गदर्शनाखाली अंबाजोगाई ग्रामीण पोलीस ठाण्याचे पोलीस निरीक्षक वासुदेव मोरे यांनी पीएसआय श्रीनिवास सावंत, विठ्ठल केंद्रे, पोलीस कर्मचारी बापु राऊत, नारायण गायकवाड, महेश भागवत, कल्याण देशमाने, प्रविण उळे, अनिल बिक्कड,स्वपनिल शिनगारे,कुलदीप खंदारे, उतरेश्वर केदार यांच्यासह ईतर कर्मचारींची वेगळेवेगळे चार पाच पथके निर्माण करून मुख्य आरोपी बबन चव्हाण व त्याचे वडील राजेभाऊ चव्हाण यांना वेगवेगळ्या ठिकाणाहून सीताफिने ताब्यात घेतले असून आणखी इतर चार आरोपी ताब्यात लवकरच घेतले जातील असे लोकाशाशी बोलताना वासुदेव मोरे यांनी म्हटले आहे. सदरील गुन्हा दाखल होण्याची प्रक्रिया सुरू आहे. अनिता राठोड यांच्या मृतदेहाचे शवविच्छेदन झाले असून त्यांचा अंतिम संस्कार विधी उद्या सकाळी वानटाकळी तांडा येथे होणार असल्याची माहिती मिळत आहे.
