अंबाजोगाई । दिनांक ११।
भाजपच्या राष्ट्रीय सचिव पंकजाताई मुंडे यांच्या नेतृत्वाखालील श्री शितलदास जनसेवा शेतकरी विकास पॅनलने तालुक्यातील गिरवली सेवा सहकारी सोसायटीच्या सर्वच्या सर्व जागा जिंकल्या आहेत. राष्ट्रवादीच्या पॅनलला धुळ चारत पॅनलने सोसायटीवर एकहाती सत्ता मिळवली आहे. पंकजाताई मुंडे यांनी सर्व विजयी उमेदवारांचे अभिनंदन केले आहे.
गिरवली सेवा सहकारी सोसायटीची निवडणूक अतिशय प्रतिष्ठेची बनली होती. राष्ट्रवादी काॅग्रेसच्या नेत्यांनी त्यासाठी आपली सर्व शक्ती पणाला लावली होती परंतू नुकत्याच जाहीर झालेल्या निकालानंतर या निवडणुकीत पंकजाताई मुंडे यांच्या नेतृत्वाखालील श्री शितलदास जनसेवा शेतकरी विकास पॅनलने बाजी मारत सर्व जागांवर विजय मिळवला. विजयी उमेदवारांत सर्वश्री काशिराम आपेट, प्रतापराव
आपेट, लक्ष्मण आपेट, सुधीर आपेट, संतोष आपेट, बाबु गिरवलकर, विजयकुमार गिरवलकर, राजकुमार बावणे, रंगनाथ जोगदंड, मिनाक्षीबाई आपेट, मिनाक्षीबाई निसाले, महादेव पाटणकर,हनुमंत खामकर यांचा समावेश आहे.
पॅनलचे प्रमुख प्रतापराव आपेट आणि सर्व विजयी उमेदवारांचे पंकजाताई मुंडे यांनी अभिनंदन करून त्यांना शुभेच्छा दिल्या आहेत.
••••
