अंबाजोगाई : तालुक्यातील मगरवाडी येथील ३८ वर्षीय संतोष विश्वनाथ माने ( वय ३८ , रा . मगरवाडी , ता . अंबाजोगाई ) असे त्या मयत तरुणाचे नाव आहे . याप्रकरणी संतोषच्या पत्नीच्या फिर्यादीवरून हिंजवडी पोलीस ठाण्यात अज्ञात इसमाच्या विरोधात गुन्हा दाखल करण्यात आला आहे . पोलिसांनी दिलेल्या माहितीनुसार , अज्ञात व्यक्तीने संतोष माने यांच्या कपाळावर धारदार हत्याराने वार करून त्यांना गंभीर जखमी करत त्यांचा खून केला . ही घटना चुडोबानगर , हुलावळे बेंद्रे वस्ती येथे तुषार साखरे यांच्या चाळीमध्ये भरदिवसा घडली . घटनेची माहिती मिळताच हिंजवडी पोलिसांनी घटनास्थळी धाव घेतली . पोलिसांनी दोन संशयितांना ताब्यात घेतले असून हिंजवडी पोलीस तपास करीत आहेत . दरम्यान , हा खून कोणत्या कारणास्तव झाला हे अद्याप समजू शकलेले नाही .
