परळी/प्रतिनिधी
भाजपाच्या राष्ट्रीय सचिव पंकजाताई मुंडे यांच्या वाढदिवसानिमित्त साई प्रेम फाउंडेशन च्या वतीने महिलांसाठी विविध स्पर्धा आयोजित करण्यात आल्या होत्या त्यात खेळ पैठणीचा या कार्यक्रमाला महिलांचा उदंड प्रतिसाद मिळाला असून स्पर्धेचे बक्षीस वितरण पंकजाताई मुंडे यांच्या हस्ते संपन्न झाले.
या कार्यक्रमात बोलताना पंकजाताई मुंडे म्हणाल्या की अशा प्रकारचे सामाजिक उपक्रम राबवून माझा वाढदिवस साईप्रेम फाउंडेशन च्या वतीने साजरा करण्यात आला असून महिलांशी संवाद साधून मला अत्याधिक आनंद झाला आहे आणि माझ्या जुन्या आठवणींना उजाळा मिळाला आहे असे उद्गार कार्यक्रमाच्या वेळी त्यांनी काढले आणि साई फाउंडेशनच्या आयोजक जयश्री मुंडे गीते यांचे त्यांनी तोंड भरून कौतुक केले. पंकजाताई मुंडे यांच्या माध्यमातून भविष्यात अनेक लोकोपयोगी महिलांसाठी चे उपक्रम राबवून महिलांचे सक्षमीकरण करू आणि त्यांना समाजाच्या मुख्य प्रवाहात आणण्यासाठी प्रयत्न करू अशी ग्वाही साई प्रेम फाउंडेशनच्या संस्थापक अध्यक्षा जयश्री गीते मुंडे यांनी दिली तसेच या कार्यक्रमात स्पर्धेत विजयी ठरलेल्या मानकरी महिलांना एक महाराणी पैठणी आणि 41 सेमी पैठणीचे वितरण पंकजाताई मुंडे यांच्या हस्ते करण्यात आले.
भाजपाच्या राष्ट्रीय सचिव पंकजाताई मुंडे यांच्या वाढदिवसानिमित्त विविध स्पर्धेचे आयोजन केले होते त्यात जिल्हास्तरीय ऑनलाइन चित्र रेखाटन स्पर्धा व जिल्हास्तरीय मोफत ब्युटी पार्लर प्रशिक्षण शिबिर याचे आयोजन करण्यात आले होते त्यात सहभागी झालेल्यांना सहभाग प्रमाणपत्राचे वितरण त्यांच्या हस्ते करण्यात आले. या कार्यक्रमात स्वतः पंकजाताई मुंडे यांनी भाग घेताच महिलांचा आनंद द्विगुणित झाला असून महिलांची ताईंनी मने जिंकली या कार्यक्रमात महिलांची लक्षणीय उपस्थिती होती. या कार्यक्रमाचे सूत्रसंचालन सुचिता पोखरकर व आभार प्रदर्शन शिल्पा गित्ते यांनी केले तसेच साई प्रेम फाऊंडेशनचे सर्व पदाधिकारी आणि महिला मोठ्या संख्येने या कार्यक्रमात उपस्थित होत्या.
