नवी दिल्ली : देशातील राजकारणातील सर्वात मोठी बातमी आहे. कायदा मंत्री किरेन रिजीजू यांना कायदे मंत्रीपदावरून हटवण्यात आलं आहे. त्यांच्याऐवजी अर्जुनराम मेघवाल हे नवे कायदा मंत्री म्हणून काम पाहणार आहेत. कायदेमंत्री म्हणून रिजीजू यांची कारकिर्द अत्यंत वादग्रस्त ठरली होती. त्यामुळे त्यांना पदावरून हटवण्यात आलं असल्याचं सूत्रांनी सांगितलं. मोदी सरकारचा हा निर्णय किरेन रिजीजू यांच्यासाठी मोठा झटका असल्याचं सांगितलं जात आहे. तसेच रिजीजू यांना तडकाफडकी पदावरून हटवण्यात आल्याने आश्चर्य व्यक्त केलं जात आहे.
