परळी वैजनाथ दि २६ (लोकाशा न्युज) :- परळीच्या डॉक्टर श्यामाप्रसाद मुखर्जी रेल्वे उडान पुलावर काल दुपारी झालेल्या अपघाताच्या घटनेत एका तरुणाचा जागेवरच मृत्यू झाला होता. मात्र संभाजीनगर पोलीस ठाण्याचे पोलीस निरीक्षक सलीम चाऊस यांच्या मार्गदर्शनाखाली पोलिसांनी घटनेची परिस्थिती पाहून हा अपघात नव्हे तर खूनच असल्याचा संशय व्यक्त केला आणि तो संशय तंतोतंत खरा ठरला भावकितील छेडछाडीच्या वादातून तरुणाचा काढला काटा काढल्याचे निष्पन्न करीत केवळ एका तासातच आरोपीच्या मुसक्या आवळुन जेरबंद केले.
याबाबत सविस्तर माहिती अशी की, काल दुपारी परळीच्या रेल्वे उडान पुलावर एक मोटरसायकल आणि पिक अपच्या ज्याचा क्रमांक एम एच २१/ ५७१३ अपघातात तालुक्यातील डाबी या ठिकाणच्या संपत्ती भारत पारवे वय २३ ह्यि तरुणाचा जागीच मृत्यू झाला होता तर निकम केरबा एंगडे हा तरुण गंभीरित्या जखमी झाला होता त्यास अंबाजोगाई येथील शासकीय रुग्णालयात उपचारार्थ दाखल करण्यात आले होते. सदर घटना घडताच संभाजीनगर पोलीस ठाण्याचे पोलीस निरीक्षक सलीम चाऊस यांच्या मार्गदर्शनाखाली सहाय्यक पोलीस निरीक्षक महेंद्रसिंग ठाकूर पोलीस जमादार दादासाहेब बिक्कड, पोलीस नायक रुपेश शिंदे, अर्जुन मस्के, संजय कोकाटे, मोहन दुर्गे आदींनी तात्काळ घटनास्थळ गाठून घटनेचा आढावा घेतला असता हा अपघात नसून खूनच असल्याचा अंदाज व्यक्त करीत त्या दृष्टीने तपासाची वेगवान चक्र फिरवली असता सदरची परळी तालुक्यातील डाबी गावातील भावकितील एक तरुणाने काही दिवसांपूर्वी महिलेची छेड काढली असल्याची माहिती ह्या पोलिसांना मिळाली व संभाजीनगर पोलिसांचा तो अंदाज तंतोतंत खरा ठरला
गावातील भावकितील मयत तरुणाने भावकितील भावजई होत असलेल्या महिलेचा हात धरून छेड काढल्याचा प्रकार काही दिवसांपूर्वी केल्याने त्या महिलेच्या दिराने मनात राग धरून घातपात परळीत घडवून आणल्याचे पोलीस तपासात उघड झाले. संभाजी नगर ठाण्याचे पोलिस निरीक्षक सलीम चाऊस यांच्या मार्गदर्शनाखाली सपोनि महेंद्रसिंग ठाकूर, पोह बिक्कड, पोना रुपेश शिंदे, अर्जुन मस्के, संजय कोकाटे, मोहण दुर्गे यांनी अवघ्या एका तासांतच आरोपी राम पारवे याच्या अंबाजोगाई शहरातून मुसक्या आवळीत जेरबंद केले.
सदरची कामगीरी मा पोलीस अधीक्षक श्री नंदकुमार ठाकूर, अपर पोलीस अधीक्षक श्रीमती कविता नेरकर यांच्या मार्गदर्शनाखाली खाली पोलीस निरीक्षक श्री सलीम चाऊस सपोनि ठाकूर, पोह बिक्कड,पोना शिंदे, मस्के, कोकाटे, दुर्गे यांनी केली असून गुन्हाचा पुढील तपास पोलीस निरीक्षक सलीम चाऊस करीत आहेत. ह्या धडाकेबाज कारवाईचे संभाजीनगर पोलिसांचे सर्व स्तरातून अभिनंदन होत आहे.
