शिरूर:-(दि.12/09/2022)
तालुक्यातील बोरगाव चकला येथील संदीप बाळासाहेब झिंजुर्डे 605 गुण नीट परीक्षेत उत्तीर्ण झाला असून त्याने मिळविलेल्या यशाबद्दल त्याचे सर्वस्तरातुन स्वागत होत आहे.आर्थिकदृष्ट्या अत्यंत प्रतिकूल परिस्थितीवर मात करत शेतकरी ऊसतोड कामगार यांच्या कुटुंबातील असलेल्या संदीपने औरंगाबाद येथे शिक्षण घेऊन आपल्या यशाचा झेंडा रोवला आहे.बोरगाव येथील जिल्हा परिषद शाळेत प्राथमिक शिक्षण घेतलेला आणि माध्यमिक शिक्षण नवोदय विद्यालय,गढी या ठिकाणी झालेल्या संदिपने हे यश मिळवले असून त्याने मिळविलेल्या यशाबद्दल जहांगीर फाउंडेशन तर्फे घेण्यात आलेल्या गुण गौरव या कार्यक्रमात खासदार डॉ.प्रितमताई मुंडे यांच्या हस्ते करण्यात आला यावेळी जहांगीर फाउंडेशन चे भाजपा अल्पसंख्याक आघाडीचे अध्यक्ष सलिम जहांगीर, भाजपा तालुकाध्यक्ष डॉ.मधुसूदन खेडकर यांची उपस्थिती होती.
