परळी वैजनाथ दि १७ ( लोकाशा न्युज ) :- परळी तालुक्यातील धारावती तांडा परिसरात वीटभट्टीवर काम करणाऱ्या आपल्या आई सोबत राहणा-या अल्पवयीन मुलीवर अत्याचार केल्याची खळबळजनक घटना नुकतीच घडली असून नात्यातील निर्दयी सख्या मामानेच हे दुष्कृत्य केल्याने एकच खळबळ उडाली आहे. अत्याचारास विरोध करणाऱ्या पीडितेच्या आईस मामाने केली मारहाण. देखील याप्रकरणी परळी ग्रामीण पोलीस ठाण्यात पोस्को कायद्याअंतर्गत गुन्हा दाखल झाला असून नराधम मामा फरार झाला आहे.
याबाबत परळी ग्रामीण पोलिसांकडून मिळालेल्या माहितीनुसार मूळ परभणी जिल्ह्यातील रहिवाशी असलेल्या परंतु कामानिमित्त परळी तालुक्यातील धारावती तांडा परिसरात नवऱ्याने सोडून दिल्यामुळे आपल्या भावाकडे परिसरातील वीटभट्टीवर मोलमजुरी करून आपल्या कुटुंबाचा उदरनिर्वाह भागवत एक महिला आपल्या मुलीस शिक्षण देते. आपल्या गोरगरिबांच्या संसाराचा गाडा हाकणाऱ्या मेहनती महिलेच्या अल्पवयीन मुलींवर नात्यातील सख्या निर्दयी मामा नराधमानेच असाह्य परिस्थितीचा गैरफायदा घेत अत्याचार केल्याचे गलिच्छ दुष्कृत्य केल्याच्या संतापजनक घटना घडली. निर्दयी मामा केवळ अल्पवयीन भाची वर अत्याचार करून थांबला नाही तर तो अत्याचारास विरोध करणार्‍या आपल्या बहिणीसही सारखी मारहाण करीत होता.
दरम्यान ह्या घटनेने परळी तालुक्यातील वीटभट्टी परिसरात दहशतीचे वातावरण निर्माण झाले असून आपल्या गरीबीच्या कारणाने बाहेरगावाहून पोट भरण्यासाठी गोरगरीब कुटुंबीयांत भितीचे वातावरण निर्माण झाले आहे. या प्रकरणी परळी ग्रामीण ठाण्यात गुरनं ९९/२०२२ कलम ३७६, ३७६(२)(फ), ३७६ (२) (जे), ३७६ (२) (एन), ३२३, ३२४, ५०४, ५०६ भादवी, कलम ३, ४,१२ बाल लैंगिक अत्याचार प्रतिबंधक कायद्यानुसार गुन्हा नोंद करण्यात आला असून पुढील तपास पोलीस उपनिरीक्षक जे. डी. झांबरे हे करीत आहेत. अद्याप या प्रकरणी निर्दयी नराधम मामा आरोपीस अटक करण्यात आलेली नाही तो फरार झाला आहे. आम्ही त्याच्या लवकरच मुसक्या आवळून जेरबंद करू असे परळी ग्रामीण पोलीस ठाण्याचे पोलीस उपनिरीक्षक जे. डी. झांबरे यांनी सांगितले. या घटनेने परळी तालुक्यात मात्र खळबळ माजली आहे.
