परळी । दिनांक ११।
आचार्य टाकळी सेवा सहकारी सोसायटी निवडणुकीत भाजपच्या राष्ट्रीय सचिव पंकजाताई मुंडे यांच्या पॅनलने दणदणीत विजय मिळविला आहे. पालकमंत्र्यांच्या पॅनेलचा धुव्वा उडवत भाजप प्रणित पॅनलचे सर्वच्या सर्व म्हणजे १३ उमेदवार विजयी झाले आहेत. विजयी उमेदवारांचा पंकजाताई मुंडे यांनी सत्कार करून शुभेच्छा दिल्या.
आचार्य टाकळी सेवा सहकारी सोसायटीची निवडणूक अतिशय अटीतटीची झाली. पंकजाताई मुंडे व खा. डॉ. प्रितमताई मुंडे यांच्या नेतृत्वाखाली जनसेवा शेतकरी विकास पॅनलने निवडणूक लढवली. यात राष्ट्रवादीच्या नेत्यांनी प्रतिष्ठा पणाला लावली होती. मात्र भाजपच्या पॅनलने राष्ट्रवादीच्या पॅनेलचा धुव्वा उडवत दणदणीत विजय मिळविला. या निवडणुकीत विजयी झालेले उमेदवार पुढीलप्रमाणे – तुकाराम आचार्य, माणिक आचार्य, राधाकिसन आचार्य, वैजनाथ काळे, दामोदर कोरडे, धोंडीराम घोडके, विठ्ठलराव घोडके, सारजाबाई पवार, सुभाष किरवले, तुकाराम खोडवे, सर्जेराव काकडे, संजीवनी गांगुर्डे, द्वारकाबाई घोडके.
विजयी उमेदवारांनी यश:श्री निवासस्थानी पंकजाताई मुंडे यांची भेट घेतली. यावेळी सर्व उमेदवारांचा सत्कार करून शुभेच्छा दिल्या. यावेळी भाजपचे तालुकाध्यक्ष सतिश मुंडे, शिवाजीराव गुट्टे पंचायत समिती सदस्य मोहन आचार्य , सुरेश माने,युवा मोर्चा जिल्हा उपाध्यक्ष चंद्रकांत देवकते, तालुका सरचिटणीस सुधाकर पोळ, युवा अध्यक्ष संतोष सोळंके ,डॉ, घोडके , किंचक आचार्य, रमेश पोळ आदी उपस्थित होते.
••••
