बीड, दि. 27 (लोकाशा न्यूज) : काल दि. 27 फेब्रुवारी रोजी संपूर्ण जिल्हाभरात शुन्य ते पाच वर्षाखालील बालकांसाठी लसीकरण मोहिम ठेवण्यात आली होती, संपूर्ण जिल्हाभरात काल बालकांना पोलिओचे डोस देण्यात आले. आ. नमिता मुंदडा यांनीही बुथवर येवून आपल्या मुलीसह इतर बालकांना पोलिओचे डोस दिले. हा दिवस नेहमीच राष्ट्रीय लसीकरण दिन म्हणून ओळखला जातो, यापूर्वी पोलिओ डोस दिला असला तरी लसीकरण मोहीम शंभर टक्के यशस्वी करण्यासाठी आपण आपल्या 0 ते 5 वर्षे वयाच्या बालकांना पोलिओ डोस पाजून पोलिओ मुक्त भारत करण्याचे आवाहन यावेळी आ. नमिता मुंदडांनी केले होते.
