परळी,
लता दीदी नेहमी सुरात कोरल्या राहतील,मनात देखील..! अशा शब्दांत भाजपच्या राष्ट्रीय सचिव पंकजाताई मुंडे यांनी गानसम्राज्ञी लता मंगेशकर यांना भावपूर्ण श्रध्दांजली अर्पण केली आहे.
गेल्या सात दशकांहून अधिक काळ जगभरातील अगणित संगीतप्रेमींचं भावविश्व समृद्ध करणारा दैवी स्वर (लता दीदी) आज अखेर शांत झाला. जगतविख्यात पार्श्वगायिका, गानसम्राज्ञी, भारतरत्न लता मंगेशकर यांचं निधन सर्वांनाच वेदना देणारं आहे. त्यांच्या निधनाने सर्वस्तरातून शोकभावना व्यक्त केली जात आहे. पंकजाताई मुंडे यांनी ट्विट करत आपल्या शोकभावना व्यक्त केल्या आहेत, त्यांनी म्हटलं आहे की, प्रत्येक स्वर ऐकणार्‍या, गाणार्‍या, गुणगुणणा-यांनाच नव्हे तर अगदी आसमंतातील स्वरांच्या अणू-रेणूंना ही प्रभावित करणारा तो मंजुळ पवित्र आवाज,सोज्वळ भाव,जरीकाठी साड़ी,अंगभर पदर,लोभस हसरा चेहरा काळाआड गेला तरी नजरेआड जात नाही”आदरांजली” लता दीदी नेहमी सुरात कोरल्या राहतील,मनात देखील!! अशा शब्दांत त्यांनी आपल्या भावना व्यक्त केल्या आहेत.
••••
