बीड, दि. 28 (लोकाशा न्यूज) : तांदळवाडी (ता. धारूर) येथील जि.प. शाळेचे मुख्याध्यापक महादेव रामराव नखाते यांचे 26 जानेवारीच्या पहाटेच्या सुमारास निधन झाले, ते आवरगाव (ता. धारूर) येथील रहिवाशी असून मृत्यू समयी त्यांचे वय 50 वर्ष होते. त्यांनी आत्तापर्यंत रूई, गावंदरा, धारूर आणि चारदरी या ठिकाणच्या जिल्हा परिषदेच्या शाळेत उत्कृष्ट सेवा दिलेली आहे. त्यांच्या पार्थिवावर 26 जानेवारी रोजी दुपारी एकच्या सुमारास आवरगाव येथील शेतात अंत्यविधी करण्यात आला, तर 28 जानेवारी रोजी सकाळी आठच्या सुमारास सावडण्यात आले. यावेळी बीड जिल्ह्यातील नागरिक मोठ्या संख्येने उपस्थित होते. त्यांच्या पश्‍चात पत्नी, एक मुलगा, एक मुलगी, दोन भाऊ, दोन बहिणी, भाऊजया, पुतणे असा मोठा परिवार आहे. नखाते कुटूंबियांच्या दुख:त दै. लोकाशा परिवार सहभागी आहे.
