बीड : भरधाव वेगातील अज्ञात वाहनाने दुचाकीला जोराची धडक दिली . या भिषण अपघातात दुचाकीवर दोन जण जागीच ठार तर एक जण गंभीर जखमी झाल्याची घटना केज शहरातील बीड रोडवरील कानडी चौकाजवळ 22 सप्टेंबर रोजी रात्री 7 वाजण्याच्या दरम्यान घडली . सुमित संदिपान शिरसाट ( वय 18 ) व सुजित सुरेश राऊत ( वय 20 ) या दोघांचा अपघातात मृत्यू झाला तर विजयकुमार पांडुरंग घोळवे ( वय 35 ) हे जखमी झाले आहेत . वरिल तिघे मोटारसायकल ( क्र . – एम.एच .44 एम .2303 ) वरुन रात्री एक वाजण्याच्या सुमारास जात असताना भरधाव वेगातील वाहनाने त्यांच्या दुचाकीस जोराची धडक दिली . यामध्ये सुमीत व सुजीत हे जागीच ठार झाले , तर विजयकुमार हा गंभीर जखमी झाला असून त्याला उपचारासाठी रुग्णालयात दाखल करण्यात आले आहे . दरम्यान हा अपघात नेमका कसा झाला हे अद्याप स्पष्ट झाले नसून केज पोलिसांनी घटनेचा पंचनामा केला असून पुढील कार्यवाही करत आहेत .
