भगवान भक्ती गडावर भव्य-दिव्य असा दसरा मेळावा आ. पंकजाताईंच्या नेतृत्वात पार पडला. यावेळी प्रस्ताविक करताना राज्यातील कानाकोपर्‍यातून आलेल्या बांधवांशी संवाद साधत त्यांना माजी खा. प्रीतमताई मुंडे यांनी विजयादशमीच्या शुभेच्छा दिल्या. आजचा हा मेळावा विशेष आहे कारण हा मेळावा मुंडे साहेबांच्या लेकीचा, बहुजनांच्या एकीचा होता. आणि म्हणून आजच्या मेळाव्याचे वेगळे महत्व आहे. याप्रसंगी उपस्थित असलेल्या सर्वांचे आभार मानले. कारण या दसरा मेळाव्याला यशस्वी करण्यासाठी पंकजाताईंचे नेतृत्व जसे महत्वाचे आहे त्याचप्रमाणे दसरा मेळाव्याला उपस्थित राहणार्‍या सर्वांचे संघटन आणि प्रेम देखील मेळावा यशस्वी करण्यासाठी महत्वपुर्ण आहे. त्यामुळे उपस्थित सर्वांचा मला सार्थ अभिमान आहे. त्यासोबतच बीडकरांचे देखील आज विशेष आभार व्यक्त केले. मागील दहा वर्ष तुम्ही मला सेवा करण्याची संधी दिली आणि या संधीचे सोने करण्याचा पुरेपुर प्रयत्न मी केला आहे. दहा वर्षात जेवढा जीव जिल्ह्यातील जनतेला लावला, त्यापेक्षा काकणभर अधिकच प्रेम मला जिल्ह्याने दिले आहे. आणि म्हणून मी आजन्म तुमच्या रूणात राहील, असे वचनही यावेळी डॉ. प्रीतमताई मुंडे यांनी दिले.
