बीड, मराठी पत्रकार परिषद शाखा अंबाजोगाईच्या वतीने दर्पण व मूक नायक दिनाचे औचित्य साधून देण्यात येणारा सन 2024 चा स्व. मुश्ताक हुसेन स्मृती पत्रकारिता पुरस्कार नितीन पापालाल चव्हाण- दै लोकाशा उपसंपादक बीड यांना जाहीर झाला आहे, तसेच स्व. नंदकुमार पांचाळ स्मृती पत्रकारिता पुरस्कार दिनकर तुळशीराम शिंदे- दै. पार्श्वभूमी व डी एस न्यूज गेवराई यांना तर सहकार महर्षी स्व दत्तात्रय शिंदे स्मृती पत्रकारिता पुरस्कार संतोष बाबुराव स्वामी- दै लोकमत प्रतिनिधी दिंद्रुड यांना जाहीर झाला असुन या पुरस्काराचे वितरण 4 फेब्रुवारी रोजी दूरदर्शनचे वृत्त निवेदक अरुण समुद्रे यांच्या हस्ते व आ नमिता ताई मुंदडा यांच्या सह अन्य मान्यवरांच्या उपस्थिती मध्ये अंबाजोगाई शहरात होणार आहे.
