बीड : आष्टी येथील कोरोना केअर सेंटरच्या कामात हलगरजपणा केल्यामुळे एका डॉक्टरसह एएनएम आणि वॉर्डबॉय अशा ७ जणांना तडकाफडकी कार्यमुक्त करण्यात आले आहे . जिल्हा आरोग्य अधिकारी डॉ . आर . बी . पवार यांनी ही कारवाई केली . पवार बीडचे जिल्हा आरोग्य अधिकारी डॉ.आर. बी . यांनी शनिवारी सकाळी आष्टीच्या सीसीसीला भेट दिली . त्यावेळी रुग्ण परिसरात फिरत असलेले आढळले , तर या ठिकाणी ड्युटीवर असलेले डॉक्टर आणि आरोग्य कर्मचारी सीसीसीमध्ये न थांबता समोरच्या इमारतीत थांबले होते . त्याशिवाय सीसीसीमधील स्वच्छता आणि इतर बाबींमध्ये मोठ्याप्रमाणावर ढिलाई दिसल्यामुळे जिल्हा आरोग्य अधिकारी डॉ . आ . बी . पवार यांनी येथील डॉ . माधुरी पाचारणे यांच्यासह एएनएम आश्विनी पानतावणे , रुपाली काळे आणि वॉर्ड बॉय निखिल वाघुळे , आकाश राऊत , सुमित धोंडे आणि भारत राऊत यांना तडकाफडकी कार्यमुक्त केले असून गुन्हे दाखल का करू नयेत याची नोटीस देखील बजावली आहे .
