बीड, दि. 23 (लोकाशा न्यूज) : पोलिस प्रशासनात खंबीरपणे कर्तव्य बजावणारे बीडचे (रा.हसनाबाद ता.धारूर) भुमिपुत्र डीवायएसपी अशोक नखाते यांना गृहविभागाने पदोन्नती दिली आहे. अशोक नखाते हे पोलिस दलातील प्रत्येक जबाबदारी अत्यंत प्रमाणिकपणे आणि मोठ्या हिंमतीने पार पाडत आहेत. त्यांनी पोलिस दलात अनेक महत्वाच्या मोहिमा फत्ते केलेल्या आहेत. त्यामुळेच त्यांची महाराष्ट्र पोलिस दलात एक वेगळी ओळख आहे. त्यांच्या याच कामाची आता गृहविभागानेही दखल घेतली आहे. त्यांना नाशिक येथील गुन्हे अन्वेषण प्रशिक्षण विद्यालयाच्या उप संचालक पदी पदोन्नती देण्यात आली आहे. ते नाशिक शहरातच सहाय्यक पोलिस आयुक्त म्हणून सध्या कर्तव्य बजावत होते, 23 एप्रिल रोजी त्यांना गृहविभागाने पद्दोन्नती दिली आहे. पदोन्नती मिळाल्याबद्दल त्यांच्यावर संपूर्ण महाराष्ट्रातून शुभेच्छांचा वर्षाव होत आहे.
