मुंबई, दि. 23 (लोकाशा न्यूज) : महायुती सरकारच्या मंत्र्यांना दालनापाठोपाठ बंगल्यांचंदेखील वाटप करण्यात आलं आहे. महायुती सरकारमधील सर्व मंत्र्यांना बंगल्यांचं वाटप करण्यात आलं आहे. मंत्री चंद्रशेखर बावनकुळे यांना रामटेक बंगला देण्यात आला आहे. तर भाजप नेत्या पंकजाताई मुंडे यांना पर्णकुटी तर धनंजय मुंडे यांना सातपुडा बंगला देण्यात आला आहे. चंद्रशेखर बावनकुळे हे राज्याचे महसूल मंत्री आहेत. तर पंकजाताई मुंडे या पर्यावरण मंत्री आहेत. विधान परिषदेचे सभापती राम शिंदे यांना ज्ञानेश्वरी बंगला देण्यात आला आहे. तर विधानसभेचे अध्यक्ष राहुल नार्वेकर यांना शिवगिरी बंगल्याचं वाटप करण्यात आलं आहे. मंत्री राधाकृष्ण विखे पाटील यांना रॉयलस्टोन, हसन मुश्रीफ यांना (क-8) विशाळगड,चंद्रकांत पाटील यांना सिंहगड, गिरीश महाजन यांना सेवासदन, गुलाबराव पाटील यांना जेतवन, गणेश नाईक यांना ब-4 पावनगड, दादा भुसे यांना ब-3 जंजीरा, संजय राठोड यांना शिवनेरी, मंगलप्रभात लोढा यांना ब-5 विजयदुर्ग, उदय सामंत यांना मुक्तागिरी, जयकुमार रावल यांना चित्रकुट बंगला देण्यात आला आहे. तसेच मंत्री अतुल सावे यांना अ-3 शिवगड, अशोक उईके यांना अ-9 लोहगड, शंभूराज देसाई यांना मेघदुत, आशिष शेलार यांना रत्नसिंधू, आदिती तटकरे यांना प्रतापगड, मंत्री शिवेंद्रराजे भोसले यांना पन्हाळगड, माणिकराव कोकाटे यांना अंबर, जयकुमार गोरे यांना प्रचितीगड, नरहरी झिरवळ यांना सुरुचि-09, संजय सावकारे यांना अंबर-32, संजय शिरसाट यांना अंबर-38, प्रताप सरनाईक यांना अवंती-5, भरत गोगावले यांना सुरुचि-02 तर मंत्री मकरंद पाटील यांना सुरुचि-03 हा बंगला देण्यात आला आहे.
