अजित पवारांनी या मुद्यांकडे बीडकरांचे लक्ष वेधले
वरिष्ठांच्या सांगिण्यावरूनच आम्ही सरकारमध्ये गेलो
तुमच्या आमदाराने धरसोड केली, जे माझ्या सोबत
आले त्यांच्या मतदार संघांत तीन ते चार हजार कोटी मिळाले
इथल्या आमदारानी काम तर भलतच केलं
ज्यांनी जन्म दिला त्यांनाच बाजूला केलं
आता काय आम्ही त्यांच्या पोटात घुसायचे का?
बीड मतदार संघातील प्रश्‍नांवर आवाज का उठविला नाही,
विकास करायचा असेल तर लोकप्रतिनिधीला 24 तास काम करावे लागते
बिंदुसरा नदीवर ब्रिज कम बांधारा बांधणार, बीडमधील सर्व प्रश्‍न सोडविणार,
रेल्वेचे कामही लवकरच परळीपर्यंत पुर्ण होणार
घड्याळीचे बटण दाबून योगेशला निवडून द्या, तुम्हच्या केसालाही
धक्का लागू देणार नाही
2 कोटी 30 लाख महिलांना लाडकी बहीण योजनेचा लाभ दिला
ही योजना अखंडपणे चालूच राहणार आहे
बीड, दि. 13 (लोकाशा न्यूज) : महाराष्ट्राचं गुलाबी वादळ असणारे उपमुख्यमंत्री अजित पवार यांची तोफ बुधवारी बीडमध्ये धडाडली, अजित पवारांच्या सभेला जमलेल्या गुलाबी वादळानेच महायुतीचे उमेदवार डॉ. योगेश क्षीरसागर यांच्या विजयावर खर्‍या अर्थाने शिक्कामोर्तबच झाला असल्याचे बोलले जात आहे.
बीडमधील या सभेतून अजित पवारांसह ना. धनंजय मुंडेंनी आ. संदिप क्षीरसागरांच्या कारभारचा चांगलाच समाचार घेतला, एका बाजूने लक्षवेधी लावायची अन् त्यातून तोडपाणी करायची, यातून मतदार संघाचा विकास होत नसतो, अशी जहरी टिका यावेळी श्री. पवारांनी केली आहे, त्यामुळे डॉ.योगेश क्षीरसागरांना विधानसभेत पाठवा, बीडमध्ये विमानतळ, एमआयडीसी उभारण्यासह बीड मतदार संघात चार हजार कोटींची विकासकामे करून दाखवितो, असा वादाही यावेळी श्री. पवारांनी बीडकरांसोबत केला आहे. तसेच ही निवडणूक अहंकारविरूध्द संयमाची आहे, आमदारांच्या अशा अहंकारामुळेच पहिले अडीच वर्ष तर मलाही बीडमध्ये यायला बंदी होती, असा गौफ्यस्फोट करत तो आता दीप असा विझणार आहे की पुन्हा राजकारणामध्ये कधीही पेटू शकणार नाही, असा घणाघात पालकमंत्री धनंजय मुंडेंनी यावेळी केली.
बीडमध्ये पारस नगरी येथील मैदानावर महायुतीचे उमेदवार डॉ.योगेश भारतभूषण क्षीरसागर यांच्या प्रचारार्थ बुधवारी (दि.13) भव्य सभा पार पडली. यावेळी अजित दादा पवार बोलत होते. व्यासपीठावर अजित पवार यांच्यासह पक्षाचे राष्ट्रीय प्रवक्ते तथा पालकमंत्री ना.धनंजय मुंडे, आमदार बाळासाहेब आजबे, रिपाइंचे युवक प्रदेशाध्यक्ष पप्पू कागदे, राष्ट्रवादी ओबीसी सेलचे प्रदेशाध्यक्ष कल्याण आखाडे, माजी आमदार जनार्दन तुपे, राज्य प्रवक्ते महेश शिंदे, जिल्हाध्यक्ष राजेश्वर चव्हाण, भाजपचे जिल्हा सरचिटणीस सर्जेराव तांदळे, राष्ट्रवादी महिला जिल्हाध्यक्ष प्रज्ञा खोसरे, पीपल्स रिपब्लिकन पार्टीचे जिल्हाध्यक्ष अनिल तुरुकमारे, सरपंच संघटनेचे जिल्हाध्यक्ष अंबादास गुजर, युवासेनेचे मराठवाडा निरीक्षक अविनाश जाधव, युवासेना जिल्हाप्रमुख सुमित कोळपे, अजय सुरवसे, भाजप जिल्हा उपाध्यक्ष संगीता धसे, ज्येष्ठ बबनराव गवते, रिपाइंचे जिल्हा सरचिटणीस राजू जोगदंड, रिपाइं गवई गटाचे जिल्हाध्यक्ष माणिक वाघमारे, डॉ.दिपा क्षीरसागर, माजी सभापती अमर नाईकवाडे, फारूक पटेल, माजी सभापती गंगाधर घुमरे, जगदीश काळे, विलास बडगे, अरुण डाके, डॉ.सारिका क्षीरसागर यांच्यासह महायुतीतील सर्व पक्षाचे विविध सेलचे राज्य, जिल्हा, तालुका स्तरावरील पदाधिकारी उपस्थित होते. पुढे बोलताना अजित पवार म्हणाले, आम्ही छत्रपती शिवाजी महाराज, शाहू -फुले -आंबेडकर यांच्या विचारधारेने पुढे जात आहोत आणि याच्यामध्ये तसूभरही अंतर येणार नाही. धरणे भरलेली असताना पाणी उशाशी आणि लोक तहानलेली हे चित्र बरोबर नाही. मी योगेश आणि इतर सहकार्‍यांना बरोबर घेईन आणि तुम्हाला पुरेसे पाणी मिळवून देईल, असा शब्द या निमित्ताने देतो. खासबाग ते मोमीनपुराला जोडणारा बिंदुसरा नदीवरील जो पूल किंवा पूल कम बंधारा बांधून द्यायचा आहे ते काम पूर्ण केले जाईल. मी उमेदवारी देत असताना मुस्लिम समाजाला दहा टक्के जागा दिलेले आहेत आणि चांगल्या जागा दिलेले आहेत. आपण बार्टी सारथीच्या धर्तीवर अल्पसंख्याक समाजासाठी मार्टी स्थापना केली. छत्रपती संभाजी नगर मध्ये भव्य अल्पसंख्यांक आयुक्तालय उभे केले. मौलाना आझाद महामंडळाचे भांडवल 1 हजार कोटीपर्यंत वाढवले. मुस्लिम समाजाच्या संरक्षणाची सर्व जाती धर्माच्या संरक्षणाची जबाबदारी आमची आहे. डॉ.योगेश यांना तुम्ही निवडून द्या, या विधानसभा मतदारसंघांमध्ये 3 ते 4 हजार कोटींची विकासकामे आपण करून दाखवू. योगेश उच्चशिक्षित आहेत, डॉक्टर आहेत आणि त्यांना जयदत्तअण्णांनी देखील पाठिंबा दिलेला आहे, त्याबद्दल मी त्यांचे जाहीर आभार मानतो. आम्ही सर्वजण मिळून या शहराच्या विकासासाठी कटिबद्ध राहू असा शब्द देतो आणि काही झालं तरी 23 तारखेला योगेश आमदार झाले पाहिजेत, असे आवाहन अजितदादा पवार यांनी केले. बीड जिल्हा भाजपच्यावतीने चंद्रकांत फड यांच्या पुढाकारातून डॉ.योगेश क्षीरसागर यांना आर्थिक मदतीचा धनादेश देण्यात आला. यावेळी ना.धनंजय मुंडे, पप्पू कागदे यांनी मनोगत व्यक्त केले. यावेळी माजी नगरसेवक विलास विधाते, विनोद मुळूक, गणेश वाघमारे, भीमराव वाघचौरे, विकास जोगदंड, सादेक जमा सुभाष सपकाळ, राणा चव्हाण, मुखिद लाला, इकबाल शेख, गणेश तांदळे, इलियास मेंबर यांच्यासह सर्व माजी नगरसेवक उपस्थित होते. प्रास्ताविक डॉ.योगेश क्षीरसागर यांनी केले. सूत्रसंचलन पांडुरंग सुतार यांनी केले. आभार डॉ.सारिका क्षीरसागर यांनी मानले. या सभेला एकवटलेल्या गुलाबी वादळावरूनच डॉ. योगेश क्षीरसागरांच्या विजयावर आजच शिक्कामोर्तब झाल्याचे बोलले जात आहे.
बीडचा आमदार योगेश क्षीरसागरच हवा,
संदिप क्षीरसागरांच्या कारभारावर
पालकमंत्र्यांचे ताशेरे
आजच्या या सभेतली खामोशी 23 तारखेला योगेशभैय्यांच्या विजयाचा तुफान आहे हे यानिमित्ताने सांगतो. मागची पाच वर्ष इथल्या विद्यमान आमदारांमुळे बीड विधानसभा मतदारसंघातल्या मायबाप जनतेला जो काही त्रास झाला, त्याबद्दल मी माफी मागतो. योगेशभैय्यांची उमेदवारी आल्यानंतर जयदत्त अण्णांनी त्यांना आशीर्वाद दिला याबद्दल मी मनापासून त्यांचे आभार मानतो. बीड विधानसभा मतदारसंघाची निवडणूक अहंकाराविरुद्ध संयमाची आहे. हा दीप असा विझणार आहे की पुन्हा राजकारणामध्ये कधीही पेटू शकणार नाही, अशा शब्दात आमदारांवर टीका केली. अजितदादांनी शेवटच्या अर्थसंकल्पांमध्ये एक अभूतपूर्व योजना आपल्या लाडक्या बहिणींसाठी आणली. दादांनी शेतकर्‍यांसाठी योजना आणली. तरी विरोधक टीका करत आहेत. विरोधकांसाठी सुद्धा एखादी लाडकी योजना दादांनी आणावी. मला खात्री आहे, बीडला हवा तशा प्रकारचा विकास योगेशभैय्या हेच करू शकतात. त्यांच्याकडून कुणावर कसलाही भेदभाव होणार नाही, विकासात कुठलाही भेदभाव होणार नाही आणि सर्वांचा सन्मान होणार याची जबाबदारी त्यांनी घेतली आहे आणि दादांसमोर मी देखील घेतो. आपण योजना जाहीर केली काम सुरू केलं. नारपारचं पाणी गोदावरीच्या तुटीच्या खोर्‍यामध्ये आणण्याचा निर्णय झाला आणि काम सुरू झालं. ही योजना पूर्ण झाली की बीड जिल्ह्यामध्ये सर्व लहान-मोठे तलाव पाऊस नाही पडला तरी भरतील आणि बीड जिल्हा 70 टक्के बागायती होईल. सरकार महायुतीचा येणार आहे आणि महायुतीचे सरकार असताना आपल्या भागाचा आमदार आपला विकास योग्य करणारा असावा आणि तो डॉ.योगेश क्षीरसागर असावा, अशा शब्दात धनंजय मुंडे यांनी विजयी करण्याचे आवाहन केले.
रिपाइं कधीही संविधानाला धक्का
लागू देणार नाही-पप्पू कागदे
महायुतीचे नेते, रिपाइंचे राष्ट्रीय अध्यक्ष रामदास आठवले यांनी पुन्हा एकदा महायुतीला सत्तेत आणण्यासाठी कंबर कसली आहे. त्यांचा आदेश मानून रिपाइं पूर्ण ताकतीने कामाला लागली आहे. बीड विधानसभा मतदारसंघातून डॉ.योगेश क्षीरसागर यांच्या रूपाने उच्चशिक्षित, संयमी नेतृत्व आपल्याला आमदार म्हणून लागणार आहे, असा विश्वास रिपाइंचे युवक प्रदेशाध्यक्ष पप्पू कागदे यांनी व्यक्त केला. दरम्यान, रिपाइं हा पक्ष सत्तेत असून कधीही संविधानाला धक्का लागू देणार नाहीत, अशी ग्वाही देत असतानाच विरोधकांच्या अफवांना बळी न पडण्याचा आवाहन त्यांनी केले.
दुर्दैवाने बीडने निष्क्रिय आमदार निवडून दिला,
आता एकदा मला संधी द्यावी -डॉ.योगेश क्षीरसागर
काहीही न काम करणारा आमदार म्हणून बीडच्या आमदाराची ख्याती आहे. दुर्दैवाने बीडने निष्क्रिय आमदार निवडून दिला. या आमदारामुळे पक्षाचे पदाधिकारी, कार्यकर्ते, अधिकारी, कर्मचारी असे सर्वच घटक त्रस्त झाले आहेत. अशा आमदाराला आता घरचा रस्ता दाखवण्याची वेळ आली आहे. भविष्यात मी सर्वांना सोबत घेऊन काम करेल. बीडचा विकास करण्यासाठी मला एकदा संधी द्या, अशी कळकळीचे आवाहन डॉ.योगेश क्षीरसागर यांनी केले.
अनेक नेत्यांच्या पक्षप्रवेशाने वाढले बळ
मराठा समाजाचे नेते अशोक हिंगे, माजी नगरसेवक आमेर आण्णा, छत्रपती शिवाजी महाराज कृषी उत्पन्न बाजार समितीचे संचालक पी.वाय.जोगदंड, नवीद दुज्जमा, ज्येष्ठ नेते सयाजी शिंदे, पंकज बाहेगव्हाणकर, श्रीमंत सोनवणे, शिकुर सौदागर, राष्ट्रवादीचे (शरद पवार गटाचे) शहराध्यक्ष सुधीर नाईकवाडे, जेबापींप्रीचे सरपंच श्रीकृष्ण चौधरी, देवीबाभूळगावचे सरपंच सचिन जोगदंड, वाडवनाचे सरपंच बाळासाहेब हगारे, उमेश आंधळे, संजीव माने, दादाराव कळासे, संभाजी जोगदंड, विलास सोनवणे, जफर भाई, कामरान खान, नजीर खान, चंद्रकांत चौधरी, अमर जोगदंड, उमेश जोगदंड, राजेंद्र व्यवहारे, सोमिनाथ कवडे, साहेबराव काटे, रत्नाकर जोगदंड, बाळासाहेब हगारे, साहेबराव काटे आदींनी राष्ट्रवादी काँग्रेस पक्षार जाहीर प्रवेश केला.
नाईकवाडे पुन्हा ठरणार गेमचेंजर,
आ. संदिप क्षीरसागरांचा खेळ पलटविणार
डॉ. योगेश क्षीरसागरांच्या विजयासाठी उपमुख्यमंत्री अजित पवार, कृषीमंत्री धनंजय मुंडे, भाजपच्या राष्ट्रीय सचिव पंकजाताई मुंडे, माजी खा. प्रीतमताई मुंडे, माजी मंत्री जयदत्त क्षीरसागर यांनी राजकीय समिकरणे जुळविलेली आहेत. विशेष म्हणजे योगेश क्षीरसागरांचे नाव आज घराघरामध्ये गेलेले आहे, सर्वात महत्वाचे म्हणजे अजित दादा आणि ना. मुंडेंनी बीड राष्ट्रवादीची पुर्ण ताकत डॉ. क्षीरसागरांच्या पाठीशी उभी केली आहे, त्याअनुषंगानेच कालच्या सभेला अमर नाईकवाडे, फारूख पटेल, मोईन मास्टर साहेब, बबनराव गवते, महादेव उबाळे, बाळासाहेब गुजर, अश्फाक इनामदार, बरकत पठाण, आलिम पटेल, जीवन घोलप, रामदास सरवदे, संतोष क्षीरसागर, संभाजी काळे, नंदू गवळी, बाळासाहेब धोत्रे, गौरव जावळे, शकील खान यांची उपस्थिती पहायला मिळाली. विशेष म्हणजे नाईकवाडे हे तर उपमुख्यमंत्री अजित पवारांच्या शेजारच्या खुर्चीवर बसल्याचे संपूर्ण बीडकरांनी पाहिले, त्यामुळेच नाईकवाडे यांची टिम पुन्हा एखदा गेमचेंजर ठरणार आहे, कारण ते आ. संदिप क्षीरसागरांचा खेळ पलटवून डॉ. योगेश क्षीरसागरांना मोठ्या मताधिक्यांनी निवडून आणणार असल्याचे आता स्पष्टपणे दिसून येत आहे.
