बीड विधानसभेसाठी तुतारीचे उमेदवार संदीप क्षीरसागरच
बीड – विधानसभा निवडणुकीच्या तोंडावर आमदार संदीप क्षीरसागर यांना चक्रव्युहात अडकविण्याचा प्रयत्न सर्वच बाजुनी केला जात होता. मात्र संदीप क्षीरसागर यांनी हे चक्रव्युह आता खर्‍या अर्थाने भेदले असल्याचे स्पष्ट होत आहे कारण संदीप क्षीरसागर यांच्या निष्ठेला शरद पवारांकडून न्याय मिळाला असून बीड विधान सभेची तुतारीची उमेदवारी अखेर संदीप क्षीरसागर यांनाच जाहीर करण्यात आली आहे. त्यांना उमेदवारी मिळाल्याबद्दल फटाके फोडून ठिकठिकाणी आनंद व्यक्त केला जात आहे.
