बीड, दि. 13 (लोकाशा न्यूज) : संत भगवान बाबांच्या जन्मगावी दरवर्षी लोकनेत्या पंकजाताई मुंडे आणि खा. प्रीतमताई मुंडे दसरा मेळावा घेत आहेत. कोविडमुळे मागच्या वर्षी या ठिकाणचा दसरा मेळावा ऑनलाईन केला होता. यावर्षी मात्र या मेळाव्याला जिल्हा प्रशासनाने परवानगी दिली आहे. मात्र कोविडचा प्रसार रोखण्यासंदर्भात दिलेल्या प्रत्येक नियमांचे यावेळी सर्वांना पालन करावे लागणार आहे. म्हणजे सोशल डिस्टसिंग, मास्क, सॅनिटायझर वापरणे प्रत्येकाला बंधनकारक असणार आहे.
