बीड, जिल्हाधिकारी , बीड यांच्या आदेशान्वये बीड शहरामध्ये दिनांक १० मार्च २०२१ ते १५ मार्च २०२१ या कालावधीत सर्व व्यापारी व त्यांचे कर्मचारी , दुकानदार , किरकोळ विक्रेते , फिरते विक्रेते ईत्यादी यांची रॅपीड अन्टीजेन चाचणी मोहीम चालु आहे.दिनांक १०/०३/२०२१ रोजी शहरातील ४ केंद्रांवर एकुण ४ ९ ५ चाचण्या झाल्या आहेत . या मोहीमेत दररोज १६०० अॅन्टीजेन चाचण्या होणे आपेक्षीत असताना केवळ ४ ९ ५ चाचण्या होणे हा आरोग्य प्रशासनास मिळालेला अत्यल्प प्रतिसाद आहे . माहे ऑगस्ट , सप्टेंबर २०२० मध्ये अशाच प्रकारे सर्व व्यापारी वर्गाच्या रॅपीड अॅन्टीजेन चाचण्या घेण्यात आल्या होत्या , त्याला बीड शहरातील सर्व व्यापारी व विक्रेते यांनी चांगला प्रतिसाद देऊन आरोग्य विभागास महत्वपुर्ण सहकार्य केले होते . त्यामुळे बीड शहरातील कोविड – १ ९ च्या वाढत्या प्रादुर्भावाला आळा घालणे शक्य झाले होते . सध्या कोविड -१ ९ चा प्रादुर्भाव पुन्हा वाढत असल्यामुळे जिल्हयातील आरोग्य यंत्रणेमार्फत कोविड -१ ९ प्रतिबंधाची कार्यवाही सुरु आहे.त्याचाच एक भाग म्हणुन दिनांक १० मार्च २०२१ ते १५ मार्च २०२१ या कालावधीत बीड शहरातील ४ केंद्रांवर कोविड -१ ९ तपासणी मोहीम आयोजीत केली आहे.सदर मोहीमेस आरोग्य विभागाच्या नियोजनाप्रमाणे बीड शहरातील सर्व व्यापारी , दुकानदार , किरकोळ विक्रेते , फिरते विक्रेते इत्यादी यांनी नेमुन दिलेल्या केंद्रांवर दिलेल्या तारखांना उपस्थित राहुन आपली अॅन्टीजेन चाचणी करुन आरोग्य विभागास सहकार्य करावे.जेणे करुन कोविड -१ ९ च्या प्रसारास काही प्रमाणात आळा घालणे शक्य होईल . दिनांक १५/०३/२०२१ नंतर चाचणी न झालेल्या व्यापारी , विक्रेते यांना मा.जिल्हाधिकारी यांचे वरील आदेशाप्रमाणे दुकान उघडता येणार नाही , व्यवसाय चालु करता येणार नाही याची नोंद घ्यावी, असे सीईओ अजित कुंभार यांनी आपल्या आदेशात म्हटले आहे.
बीडमध्ये रॅपीड अन्टीजेन टेस्टला अल्प प्रतिसाद, व्यापाऱ्यानो, टेस्ट करुन घ्या अन्यथा दुकान उघड़ता येणार नाही
