लोकसभा निवडणुकीचे बिगुल वाजले, देशात सात टप्प्यात होणार निवडणूक, महाराष्ट्रात पाच टप्प्यात मतदान, 13 मे रोजी बीड लोकसभेसाठी मतदान,चार जूनला लागणार निकाल, आचारसंहिता लागू

बीड: देशात १८ व्या लोकसभेसाठी निवडणूकीच्या तारखा अखेर निवडणूक आयोगाने जाहीर केल्या आहेत. त्यानुसार १८ व्या लोकसभेसाठी एकुण ७ टप्प्यात मतदान होणार आहे. याची सुरुवात याच महिन्यापासून होणार असून शेवटच्या टप्प्यातील मतदान १ जून रोजी होईल. सर्व ठिकाणची मतमोजणी एकाच दिवशी म्हणजे ४ जून रोजी होणार आहे. महाराष्ट्रात पाच टप्प्यात मतदान होणारआहे. हे मतदान २६ एप्रिल, ७ मे , १३ मे , २० मे , २५ मे रोजी होईल. यापैकी 13 मे रोजी बीड लोकसभेसाठी मतदान होणार आहे. या अनुषंगाने आचारसंहिता लागू झाली आहे.