कोरोनाचे उतरत्या क्रमांकाने मार्गक्रम!!

बीड, दि. 13 : बीड जिल्ह्यात कोरोना बाधितांचा आकडा दोन हजाराच्या पुढे गेला आहे. रात्री उशीरा आलेल्या रिपोर्टमध्ये 645 पैकी 67 रूग्ण पॉझिटीव्ह सापडले आहेत. बाधितांमध्ये बीड 17, परळी 4, अंबाजोगाई 4, धारूर 5, केज 14, आष्टी 2, गेवराई 8, माजलगाव 9, वडवणी 2, पाटोदा आणि शिरूरमध्ये प्रत्येक दोन रूग्णांचा समावेश आहे.  मागच्या काही दिवसांपासून शतकी खेळी करणाऱ्या कोरोनाने काल उतरत्या क्रमांकाने मार्गक्रम केले, हे मार्गक्रम असेच खाली खाली येत राहिले तर कोरोना बीड जिल्ह्यातून लवकरच हद्दपार होईल असा विश्वास व्यक्त केला जात आहे.