परळी, परळी शहरात आज ‘नमो चषक’ क्रीडा स्पर्धेच्या माध्यमातून आयोजित करण्यात आलेली मॅरेथॉन’ स्पर्धकांच्या उदंड प्रतिसादात संपन्न झाली.
स्पर्धेत महिला गट, १५ वर्षापुढील खुला गट आणि ४५ वर्षापुढील गटातील असंख्य स्पर्धकांनी सहभाग नोंदवला. खुल्या गटातील स्पर्धकांसोबत मॅरेथॉनमध्ये सहभागी होऊन धावण्याचा अनुभव माझ्यासाठी ऊर्जादायी होता. स्पर्धेतील विजेत्यांचा यावेळी सन्मान केला. लवकरच मा.पंकजाताई मुंडे यांच्या हस्ते विजेत्यांना पारितोषिक वितरण करण्यात येणार आहे.
नमो चषक स्पर्धेच्या माध्यमातून परळी शहर आणि परिसरातील खेळाडू आणि तरुणांना त्यांचे कौशल्य सादर करण्याची संधी मिळत असल्याच्या स्पर्धकांच्या प्रतिक्रिया माझा आणि आमच्या सर्व टीमचा उत्साह वाढवणाऱ्या होत्या, परळीतील तरुणांना दिशा देणारे, त्यांचे जीवनमान घडवणारे असे अनेक उपक्रम राबविण्यात आम्ही सातत्यपूर्ण प्रयत्न करत राहू असा विश्वास यानिमित्ताने खासदार प्रीतमताई मुंडे यांनी परळीकरांना दिला.