ए.टी.एस. प्रज्ञा शोध परीक्षेत ईशिता करपे राज्यात पाचवी, जिह्यातून पटकावला दुसरा क्रमांक

बीड, राज्यस्तरीय ए. टी.एस. प्रज्ञा शोध परीक्षेत ईशिता अंकुश करपे हिने सोलापूर जिल्ह्यातून दुसरा तर राज्यातून पाचवा क्रमांक पटकावला आहे, याबद्दल तिचे सर्वस्तरातून अभिनंदन केले जात आहे.
केज येथील रहिवाशी असलेली ईशीता अंकुश करपे ही सध्या करमाळा येथील नगर परिषदेच्या शाळेत शिक्षण घेते, इयत्ता पहिलीत शिक्षण घेत असताना तिने राज्यस्तरीय ए. टी.एस. प्रज्ञा शोध परीक्षा दिली, या परीक्षेचा निकाल नुकताच घोषित करण्यात आला आहे, त्यानुसार तिने या परीक्षेत सोलापूर जिल्ह्यातून दुसरा तर राज्यातून पाचवा क्रमांक मिळविला आहे, यामध्ये तिला शंभर पैकी 92 मार्क मिळाले आहेत. तिच्या या यशात तिचे वडील प्रा. अंकुश करपे, आई साधना करपे आणि तिच्या शिक्षकांचे मोठे योगदान आहे, दरम्यान या यशाबद्दल तिचे सर्वस्तरातून अभिनंदन होत आहे.