अतिवृष्टीच्या पावसाने झालेल्या नुकसानीमुळे तरुण शेतकऱ्याची गळफास घेऊन आत्महत्या

राजेगांव :-माजलगाव तालुक्यातील राजेगांव येथील रामेश्वर लक्ष्मण रकटे वय वर्ष 23 या तरुण शेतकऱ्याने परतीच्या पावसाने हाता तोंडाशी आलेला घास हिरावून नेल्यामुळे व शेत पिकाचे झालेले प्रचंड नुकसान पाहून गळफास घेऊन आत्महत्या केली.
रामेश्वर रकटे यांच्याकडे दीड एकर शेती असून त्या शेतीमध्ये सोयाबीन कापूस व कांदा लागवड केलेली आहे परंतु परतीच्या पावसाने आपल्या शेतातील पिकाचे प्रचंड नुकसान झाल्याचे पाहून वर्षभराची आपल्या कुटुंबाची गुजराण कशी होणार या विवांचनेतून रामेश्वर रक्टे या तरुणाने गळफास घेऊन आत्महत्या केली.
शासनाकडून व विमा कंपनीकडून पिकाचे नुकसान होऊ न ही मदत मिळत नसल्यामुळे रामेश्वर रक्टे वारंवार काळजी करत होता. शासनाची मदतही मिळत नाही आणि पीकही गेले असा तो वारंवार बोलत होता.