शेतकर्‍यांच्या प्रश्‍नावर काल कलेक्टर कचेरीवर महाधरणे आंदोलन झाले. या आंदोलनादरम्यान पावसाने हजेरी लावली, यावेळी पाऊस जरी आला असला तरी आपण आता मागे हटायचे नाही, शेतकर्‍यांचा प्रश्‍न तडीस लावण्यासाठी आपण काहीही करू, असेच यावेळी राष्ट्रवादी युवक काँग्रेसचे जिल्हाध्यक्ष तथा जिल्हा परिषदेचे माजी सभापती जयसिंह सोळंके यांनी घेतलेल्या आक्रमक भुमिकेतून खर्‍या अर्थाने दिसून आले. या आंदोलनात शेतकर्‍यांच्या प्रश्‍नावर आवाज उठविताना त्यांनी पावसाचाही विचार केला नाही, यासंदर्भात व्हायरल झालेल्या त्यांच्या एका व्हिडीओंने संपूर्ण जिल्ह्यातील शेतकर्‍यांचे लक्ष वेधून घेतले आहे.