‘तुम्ही खुप शिकून मोठ्या पदावर विराजमान व्हा’ रक्षाबंधनासाठी आलेल्या विद्यार्थीनींना स्वत:च्या खुर्चीवर बसवून एसपींनी दिल्या शुभेच्छा

बीड, दि. 11 (लोकाशा न्यूज) : बहिण भावाचे पवित्र बंधन म्हणजे रक्षाबंधन..! पवित्र असणारं हेच बंधन लक्षात घेवून दरवर्षी अनेक मुली आणि महिला आपल्या भावांसह हितचिंतकांना राखी बांधून रक्षाबंधन साजरा करतात. याच रक्षाबंधनाचे औचित्य साधून गुरूवारी येथील स्काऊट गाईडच्या विद्यार्थीनींनी पोलिस अधीक्षक कार्यालयात येवून अधीक्षकांना राख्या बांधल्या, ‘तुम्ही खुप शिकून मोठ्या पदावर विराजमान व्हा’ अशा शुभेच्छा यावेळी राखी बांधण्यासाठी आलेल्या विद्यार्थीनींना स्वत:च्या खुर्चीवर बसवून पोलिस अधीक्षक नंदकुमार ठाकूर यांनी दिल्या आहेत. रक्षाबंधनाचे औचित्य साधून एसपींनी विद्यार्थीनींना दिलेल्या या मान सन्मानाचे संपूर्ण जिल्हाभरातून आता कौतूक केले जात आहे.
बीड जिल्ह्याचे पोलिस अधीक्षक नंदकुमार ठाकूर हे एक कर्तव्यदक्ष अधिकारी आहेत, बीड जिल्ह्यात रूजू झाल्यानंतर त्यांनी स्वत:मधील कर्तव्यदक्षपणा जिल्ह्याला दाखविलेला आहे. त्यांचा स्वभाव अत्यंत शांत, मनमिळावू आणि प्रत्येकाला न्याय मिळवून देणारा आहे. चुका करणार्‍यांना ते कधीच माफ करत नाहीत, चांगलं काम करणार्‍यांच्या पाठीशी मात्र ते खंबीरपणे उभा राहतात. सामाजिक कार्यातही ते नेहमीच पुढे असतात. गुरूवारी रक्षाबंधनाचे औचित्य साधून बीडमधील स्काऊट गाईडच्या विद्यार्थीनी त्यांना राखी बांधण्यासाठी पोलिस अधीक्षक कार्यालयात आल्या, राखी बांधण्यासाठी आलेल्या या विद्यार्थीनींचे एसपींनी मोठ्या उत्साहात स्वागत केले, त्यानंतर त्यांना सर्व विद्यार्थीनींनी राखी बांधल्या. विशेष म्हणजे ‘तुम्ही खुप शिकून मोठ्या पदावर विराजमान व्हा’ अशा शुभेच्छा एसपींनी विद्यार्थीनींना स्वत:च्या खुर्चीवर बसवून दिल्या आहेत. रक्षाबंधनाचे औचित्य साधून एसपींनी विद्यार्थीनींना दिलेल्या या मान सन्मानाचे संपूर्ण जिल्हाभरातून आता कौतूक केले जात आहे.