बीड : राज्यातील 92 नगरपालिकांच्या निवडणुकीचा कार्यक्रम अखेर राज्य निवडणूक आयोगाने जाहीर केला आहे. यात बीड जिल्ह्यातील सहाही नगरपालिकांसाठी ऑगस्टमध्ये मतदान होणार आहे. राज्यातील नगरपालिकांच्या निवडणूक कार्यक्रमांची घोषणा अखेर राज्य निवडणूक आयोगाने केली आहे. त्यामुळे आता राज्यातील 92 नगरपालिकांच्या निवडणूक कार्यक्रम जाहीर करण्यात आला आहे. यात बीड जिल्ह्यातील बीड, अंबाजोगाई, परळी, माजलगाव, धारूर आणि गेवराई नगरपालिकांच्या समावेश आहे. या नगरपालिकांसाठी 18 ऑगस्टला मतदान होणार आहे. यासाठीच निवडणूक कार्यक्रम 20 जुलै रोजी जाहीर होणार आहे. तर 22 ते 28 जुलैपर्यंत उमेदवारी अर्ज भरता येणार आहेत. 4 ऑगस्टपर्यंत माघार घेता येणार असून 18 ऑगस्टला मतदान आणि 19 ऑगस्टला मतमोजणी होणार आहे.
अखेर नगर पालिकांच्या निवडणूका लागल्या, बीड जिल्ह्यातील सहा नगर पालिकांसाठी 18 ऑगस्ट रोजी मतदान तर 19 ऑगस्टला लागणार निकाल
