शिरूर कासार दि. ८ (लोकाशा न्यूज) तालुक्यातील भानकवाडी दोरखडा शेत शिवारात शिकाऱ्याने लावलेल्या वाघूरीत (जाळ्यात) अडकल्यामुळे बिबट्याचा मृत्यू झाल्याची घटना काल ८मे रोजी दुपारी ४च्या सुमारास घडली.
भानकवाडी येथील दोरखडा शेत शिवारात दुपारी वाघूरीत बिबट्या अडकल्याची वार्ता परिसरात पसरताच सर्पराज्ञी वन्यजीव पुनर्वसन केंद्राचे संचालक वन्यजीव अभ्यासक सिद्धार्थ सोनवणे व वनरक्षक बद्रीनाथ परजने,जिल्हा कृषी अधिकारी सुभाष साळवे,डॉ अशोक गायकवाड यांनी तात्काळ घटनास्थळी धाव घेतली.त्यानंतर वनपरिक्षेत्र अधिकारी अशोक काकडे व वनपाल साधू धसे यांना बिबट्या जाळ्यात अडकल्याची महिती दिली.त्यानंतर तात्काळ वनपरिक्षेत्र अधिकारी अशोक काकडे व वनपाल साधू धसे हे घटनास्थळी दाखल झाले.
वाघूरीत (जाळ्यात ) अडकलेल्या बिबट्याचा व जागेची पहाणी आणि पंचनामा केला.त्या नंतर घटनास्थळी पशुवैद्यकीय अधिकारी डॉ. बोरघरे मॅडम, डॉ. आघाव, डॉ. मोहळकर, डॉ. लकडे. यांना बोलावून घेत जागेवरच ऑन कॅमेरा बिबट्याचे शवविच्छेदन केले.
विभागीय वन अधिकारी सचिन कंद यांच्या मार्गदर्शनाखाली बिबट्यावर पिपळवंडी ता.पाटोदा.येथे अंत्यसंस्कार करण्यात आले.यावेळी वनपरिक्षेत्र अधिकारी अशोक काकडे,वनपाल साधू धसे,वन्यजीव अभ्यासक सिद्धार्थ सोनवणे ,वनरक्षक बद्रीनाथ परजने, शेळके,शिवाजी आघाव आदी वनकर्मचारी मोठया संख्येने उपस्थित होते.
वाघूरीत अडकुन बिबट्याचा मृत्यू
