विद्यार्थ्यांना यशस्वी होण्याचा
मिळणार कानमंत्र-डॉ. सारिका क्षीरसागर

बीड, दि.12 (लोकाशा न्युज) ः बन्सल क्लासेस बीडच्या वतीने बीड शहरातील विद्यार्थ्यांसाठी 10वी नंतर काय? या संदर्भात महाराष्ट्राचे सुप्रसिद्ध शिक्षणतज्ञ प्रा.संतोष कार्ले यांच्या करिअर मार्गदर्शन सेमिनारचे आयोजन करण्यात आले असून हा सेमिनार बीड शहरातील विद्यार्थ्यांसाठी मोफत असणार आहे. मेडिकल व आय. आय. टी. क्षेत्रात करीअर करू इच्छिणार्‍या इयत्ता 10 वी बोर्ड परीक्षा दिलेल्या विद्यार्थ्यांसाठी, नीट/ आयआयटी-जेईई/ एमएचटीसीईटी परीक्षेमध्ये यशस्वी होण्याचा कानमंत्र विद्यार्थ्यांना या सेमिनारमधून मिळणार आहे. यामुळे बीड शहरातील विद्यार्थ्यांनी जास्तीत जास्त संख्येने या शिबिरात सहभागी व्हावे असे आवाहन संचालिका डॉ. सारिका क्षीरसागर यांनी केले आहे