राजकीय, सामाजिक क्षेत्रावर मोठी शोककळा,
ज्येष्ठ स्वातंत्र्य सैनिक साहेबराव थोरावे यांचे निधन

बीड, दि. 4 (लोकाशा न्यूज) : माजी आमदार साहेबराव पंढरीनाथ थोरवे दादा यांची शुक्रवारी पहाटे दोनच्या सुमारास प्राणज्योत मालवली. ते 120 वयाचे होते. गेल्या काही दिवसांपासून दादा आजारी होते. _राजकीय सामाजिक,क्षेत्रात व स्वातंत्र्य लढात भरीव योगदान असलेले, ज्येष्ठ स्वातंत्र्य सेनानी,लोकमान्य शिक्षण संस्थेचे सन्माननीय संस्थापक अध्यक्ष, शिक्षण महर्षी, आष्टी तालुक्याचे भीष्माचार्य म्हणून ज्यांना ओळखलं जायचं, सलग 15 वर्ष आष्टी पंचायत समितीचे सभापती म्हणून ज्यांनी पद् भूषवले, कडा सहकारी साखर कारखान्याचे संस्थापक अध्यक्ष, मराठवाडा मुक्तिसंग्राममध्ये जीवाची बाजी लावून मोघली सत्तेच्या विरोधात मराठवाड्याला स्वातंत्र्य मिळवून देणार्‍या क्रांतिकारकामध्ये यांचे नाव अग्रस्थानी राहिले, असे साहेबराव पंढरीनाथ थोरवे दादा यांची शुक्रवारी वयाच्या 120 वा वर्षी प्राणज्योत मालवली.गेल्या काही दिवसापासून दादा आजारी होते. आयुष्यभर धार्मिक, राजकीय,सामाजिक आणि शैक्षणिक कार्यामध्ये वाहून घेतलेले धुरंधर नेतृत्व आज काळाच्या पडद्याआड गेले. हनुमंतराव साहेबराव थोरवे यांचे ते वडील तर धैर्यशील हनुमंतराव थोरवे आजोबा होते. थोरवे कुटूंबियांच्या दु:खात दै. लोकाशा परिवार सहभागी आहे.