गेल्या काही महिन्यांपासून भारतीय काँग्रेस पक्षात जिल्हाध्यक्ष बदलाच्या हालचाली सुरु होत्या. राज्यातील १४ जिल्हाध्यक्षांच्या निवडी करण्यात आल्या असून यात बीड जिल्ह्याचाही समावेश आहे. जिल्हाध्यक्ष पदी राजेसाहेब देशमुख यांची नियुक्ती करण्यात आली आहे. देशमुख हे अंबाजोगाई तालुक्यातील मुळचे माकेगाव येथील असून ममदापूर पाटोदा गटाचे जिल्हा परिषद सदस्य आहेत. ते जिल्हा परिषदेचे शिक्षण व आरोग्य सभापती होते. त्यांनी पंचायत समितीसह तालुका पातळीवर संघटनात्मक पदांवर काम केलेले आहे. काँग्रेसला खमके नेतृत्व लाभले असल्याच्या प्रतिक्रिया पदाधिकारी, कार्यकर्त्यांनी व्यक्त केल्या असून अभिनंदन केले जात आहे. राजेसाहेब देशमुख यांच्या निवडीचे स्वागत जिल्ह्यात होत असून बीड शहरात राहुल टेकाळे व त्यांच्या सहकारी कार्यकर्त्यांनी फटाके वाजवून स्वागत केले . राजेसाहेब देशमुख यांच्या नेतृत्वात येणाऱ्या काळात कॉंग्रेसला अच्छे दिन येतील असे बोलले जात आहे .
जिल्हा कॉंग्रेसला मिळाले नवे जिल्हा अध्यक्ष; बीडच्या कॉंग्रेसला प्रवाहात आणण्याचे आव्हान
