सिरसाळा न्यूज : डिग्रस येथे पोहनेर रोडवर रात्री एका पशुवैद्यकिय डाॅक्टरास चाकूचे वार करुन लुटल्याची घटना दिनांक ३ ऑगस्ट रोजी घडली होती. या प्रकरणी सिरसाळा पोलिसांनी तपासाची सुत्रे वेगाने हलवली, अवघ्या १५ दिवसांच्या आत डिग्रस च्या वाटमारीतील/ जबरी चोरी तील आरोपी अटक केली आहे. लक्ष्मण किसन सातपुते,इरफान बिबन सय्यद सर्व राहणार सिरसाळा असे अटक केलेल्या आरोपींचे नावे असुन यांनी डिग्रस – पोहनेर रोडवर बाळकृष्ण कारभारी खरात ह्या पशुवैद्यकिय डाॅक्टरास चाकूचा वार करुन रोख रकमे सह सोनं, मोबाईल असे १६ हजार ८०० रुपयांची लुट केली होती.
तर औरंगपूर येथे घरफोडी झाली होती. सोने चांदी चे दागिने चोरी गेले होते. ह्या प्रकरणातील आरोपी देखील सोनपेठ रोड वरुन रात्री ताब्यात घेऊन अटक केली आहेत.यांना तीन दिवसांची पोलिस कष्टडी असुन त्यांनी गुन्ह्याची कबूली दिली आहे.या प्रकरणी अटक केलेले आरोपीं शेख रहीम चांद रा. जुना पटेगाँव रोड परभणी,शेख समीर जमीर रा दर्गा रोड परभणी,शुभम सुभाष वाल्मिकी रा भीमनगर माजलगांव ,शेख शफीक हमीद रा परभणी अशी नावे आहेत.
● सिरसाळा खाकीची मान उंचावली
: घटनेचे गांभीर्य ओळखत सिरसाळा पोलिस स्टेशन प्रभारी प्रदिप एकशिंगे यांनी त्यांचे सहकारी महेश विघ्ने व कर्मचारी अंकुश मेंडके, आर्शद भाई सय्यद, पटाईत यांनी तपासाची सुत्रे वेगात हलवली, सिरसाळा व परिसरात बारकाईने नजर ठेवली, खबरी कामाला लावले व घरफोडी, वाटमा-या, जबरी चो-या करणा-यां चोरांच्या मुस्क्या आवळल्या आहेत. आपली कर्तबगारी सिरसाळा पोलिसांनी पुन्हा एकदा सिद्ध केली असुन खाकीची मान उंचावली आहे. नागरिकांतून सिरसाळा पोलिसांची वाह वाह होत आहे.