प्रभाग 3 मधील मन्सूरशहा दर्गा येथील वेगवेगळ्या विकासकामांचा शुभारंभ! समाजातील सर्व घटकांना सोबत घेऊन प्रभागाचा सर्वांगीण विकास सुरु आहे- अमर नाईकवाडे

बीड प्रतिनिधी- बीड शहरातील प्रभाग 3 मधील मन्सूरशहा दर्गा येथील प्रवेशद्वारा वरील कमान, स्मशानभूमीची कंपाउंड वॉल व सार्वजनिक शौचालय आदी कामांचा शुभारंभ बीड नगर परिषदेचे गटनेते फारुख पटेल यांच्या प्रमुख उपस्थितीत करण्यात आला. विकास ही एकमेव भूमिका घेऊन गेल्या पाच वर्षात मी व अमर नाईकवाडे बीड शहराच्या सर्वांगीण विकासासाठी प्रयत्नशील आहोत. येणाऱ्या काळात नगर परिषदेच्या माध्यमातून शहराचा समतोल विकास कसा साधता येईल यासाठी आम्ही प्रयत्नशील राहू अशी ग्वाहीही यावेळी गटनेते फारूक पटेल यांनी दिली. 
         आपल्या प्रभागातील सर्व समाजघटकांना सोबत घेऊन प्रभागाचा सर्वांगीण विकास करण्याचा प्रामाणिक प्रयत्न मी करत असून प्रभागातील काही भागात विकास कामे सुरू आहेत व उर्वरित भागात देखील विकास कामे मंजूर करण्यात आलेली असून लवकरच त्याही कामांना सुरुवात करण्यात येणार असल्याचे यावेळी नगरसेवक अमर नाईकवाडे यांनी सांगितले. 
यावेळी शेख हुसेन भाई, शेख मुसा भाई, शेख कलीम, शेख सलीम, शेख ताहेर, शेख करीम, शेख सलमान, भैय्यासाहेब पवळे, शेख इफ्रोज, शेख अमेर, शेख मुख्तार, शेख हाशम, शफिक तांबोळी, शेख जमील, शेख इम्रान, बबनराव लहाने, श्याम घोरड, किशोर शिराळे आदी परिसरातील ज्येष्ठ नागरिकांसह तरुणांची मोठ्या संख्येने उपस्थिती होती.