बीड दि .25 : दारु पिऊन आईला शिवीगाळ करणाऱ्या बापाची कोयत्याने सपासप वार करत मुलाने खून केला . ही खळबळजनक घटना बीड तालुक्यातील पिंपळनेर परिसरात पंगळवारी ( दि .25 ) सकाळी घडली . पोलीसांनी आरोपीला ताब्यात घेऊन पुढील तपास करत आहेत . जिल्ह्यात खुनाच्या घटना वाढल्या असून नागरिकांमध्ये भीतीचे वातावरण पसरले आहे .
श्रीकिसन अंबादास तागड ( वय 60 रा.पिंपळनेर ता.बीड ) असे मयताचे नाव आहे . श्रीकिसन हे दारु पिऊन सतत घरी वाद घालायचे . घरी शिवीगाळ करायचे . या रागातून मुलगा लहू श्रीकिसन तागड याने शेतात एकटे असल्याचा फायदा घेत कोयत्याने सपासप वार करत खून केला . मुलानेच बापाचा खून केल्याच्या या घटनेने परिसरात खळबळ उडाली आहे . घटनेची माहिती मिळताच उपअधीक्षक संतोष वाळके , पिंपळनेर पोलीस ठाण्याचे प्रभारी सपोनि.शरद भुतेकर , फौजदार सानप , सुरवसे , वायकर यांनी घटनास्थळी धाव घेतली . मृतदेह ताब्यात घेत शवविच्छेदनासाठी जिल्हा रुग्णालयात पाठवला आहे . आरोपी मुलास पोलीसांनी ताब्यात घेतले असून पिंपळनेर पोलीस ठाण्यात मयताचे भाऊ रोहिदास अंबादास तागड यांच्या फिर्यादीवरुन गुन्हा दाखल करण्यात आला आहे . पुढील तपास पिंपळनेर पोलीस करत आहेत .